Felix wird 55gi und Evi's Lädeli 3jährig Januar 2008 mit Ausstellung Dä'Felix hät über 400 Kunde, Verwandti, Bekannti und alti Fründe iiglade. Jede isch herzlich zummene Racklette willkomme gsii! Us ganz alter Zyt isch würklich en Arbeitskolleg usem Baselbiet cho. 2007 und 2006 2006: 6000 Flyer; 2007: 10'000 Flyer hät dä Felix bald verteilt. Jede Abig, nachem Schaffe, am Samstig dä Tag dure, hät er Kilometer g'macht, villi Strasse vo Wohlen und Umgebig abg'loffe, damit liebi Lüüt ad Produktevorstelligstage vo Evi's Lädeli chömed. S'Evi hät fascht 450 Verwandti, Bekannti und Fründe schriftlich iiglade. Jede isch herzlich willkomme! Herbst 2005 6000 Flyer hämmer dasmal parat gha. Wieder jede Abig, ab Aafang September isch dä Felix unterwegs gsi. Dasmal isch er sämtlichi Strasse vo Wohlen und Anglikon abg'loffe und hät verteilt. Numme Briefchäschte mit emene Stoppchleber sind nöd berücksichtiget worde. Zwüschedinne no s'Inserat für i'd Zytig kreiere und b'stelle. Im ganze Freiamt söll mer vo Evi's Lädeli wüsse. Eröffnig April 2004 2004: 3500 Flyer hätt de Felix verteilt und s'Evi 400 Verwandti und Bekannti zur Eröffnig vo Evi's Lädeli is Gemeinschaftshuus iiglade.