s ' E v i i s c h 5 0 g i w o r d e

Wieder aktuell, euses Flohmarktzelt

Am 16.06.2007, Samschtig, 08.00, hanni aag'fange Salat rüschte.
Dä Felix hätt 5 vo mir die Wuche g'backne Cakes usem G'frührer g'holt und isch goge s'Zelt ufstelle.

Marmor-, verkehrter Ananas-, Tiroler-, Rüebli- und Apfelcake

D'Feschtbänk und Tisch sind vom Kurt vom Sunnhaldehof g'lieferet worde und vom Felix uf'gstellt.
Nach dä Randen bini am Gurke raffle g'si, dänn sind d'Tomate dracho.
Bim Chicoreesalat hanni dä erschti, wunderschöni Bluemestruuss übercho.

Vom Nelly, Doris und Trixli, leider händ's nöd chönne cho

Vo Hinni's Hoflädeli sind dä feini Fleischchäs, d'Würscht, Pouletflügeli und dä Kartoffelsalat g'lieferet worde.
Jetzt isches höchschti Zyt g'sii, ab id Duschi z'gah. Im G'hetz hätt dä Felix no min Verse müese verarzt,
han mi wieder mal verletzt g'ha.

feine, warme Fleischkäs mit Hördöpfelsalat

Debii hanni dä Daniel und d'Irene verpasst, wo mir das tolle, und mmhhfeine Brot verbii pracht händ.
Sie chemid spöter nomal go inneluege. Ich freu mich druf. Nomal Rose, toll.

Sälberg'machts Feschtbrot wie en Königinnechueche

Punkt 11.00 sind di drü erschte Gäscht i'troffe. D'Manuela, dä Thomas mit en Sunshine und d'Susi Christen.
Bin nonig ganz fertig g'sii und die drüü händ mir grad g'hulfe.
Da sind au scho s'Tanti und dä Ernst, Edi und Edith mit em Marteli acho.

Fleischkäs, dezue vo jedem Salat en Löffel voll

Vor allem d'Manuela isch bim Serviere iig'schprunge und hätt mänge Teller verteilt bis sie ändlich au hät chöne go absitze.
Während immer meh Gäscht iitroffe sind, hätt derwil dä Thomas dä Sunshine g'hüetet und mit dä Grazi und em Jer pläuschlet.

Wer will no Nachschlag? Grazi, Jer und dä Thomas

So, jetzt, nachem Chueche verteile, hätt d'Manuela würklich e Pause verdient.
Bim Felix, wo fliessig am grilliere g'si isch, hätt's no es frei's Bänkli. Herzliche Dank Manuela.

Phuu, isch das warm

Sunshine: Wo isch dänn mis Fraueli?

Die feini Schwarzwälderturte hätt d'Manuela au no g'macht. Die letschte Krümeli hanni grad no chönne probiere.

Und ich han numme no mini Gäscht chöne g'nüsse. Leider sind nöd alli uf dä Foti. S'Marteli, jetzt 94gi, isch vo
Edith und Edi bracht worde. Sie händ's alli g'nosse. D'Edith isch no flissig g'si und hät zwei feini Zöpf und en saftige
Zitronecake mitbracht.

Marteli, Edith und Edi, vorne dä Arm vom Ernst, Tanti und Mami Myrtha, d'Regula, jetzt au da, hämmer leider abg'schnitte

vo dä Regula dä herzigi Delfin-Schlüsselanhänger

Zitronecake und Zöpf

D'Edith hätt au g'schaffet

vo Edi und Edith übercho. E prächtigi Hortensie

Fascht alli liebschte Nachbere sind cho. Susi, Peter, Renata und Bruno. Isabel, Achim, Lea und Seraina, Rita, Selina und Flavia, Martin und Noemi.

Tisch vorne: Bruno, Renata, Susi, Peter und Freunde Karin und Gery

Toll, d'Renata isch trotz kürzlicher Operation au da

Die Junge händ no öppis vor, danke für's cho

vo Renata und Bruno übercho. Herzigi Kaktee mit Vögeli

Ernschti G'spröch? Rita und Peter, Thomas und Manuela, Renata und Susi

d'Margrit isch itruddlet, toll. S'Tanti und sie händ au z'brichte g'ha

Neui Gäscht sind iitroffe. Vo wiit her, vo Üsslinge, Axel und Marcella und mini Fründin Marianne. Axel und Marcella hanni
7 Jahr nümme g'seh. Dä Feigebaum vo ihne uf's Hochsig isch scho höcher wie's Gartehus. Vom Felix händ's no e
Feige serviert übercho.

Rechts: Marianne, Axel und Marcella, neu debii

Jetzt chömed Heinz und Daniela au mäng's Jahr nümme g'seh. Für mich gitt's immer meh Überraschige.
Dä Vorstand vo dä Procap hätt mi au erfreut, inneglueged und dä schöni Sunnebluemestock mitb'racht.
Sie händ sich vor e Foti "druckt". Nei.
Nachemene Gläsli Wii und e chli fröhliche Sprüch händ dä Walti, Toni, Otti, Walti und Charlotte leider scho wieder wiiter müesse.
D'Karin hät dä wunderbari, bluetroti Hibiskus bracht, wo scho am Sunntig blüeht hätt.

Vo Charlotte und Walter dä prächtigi Orchideenstock

eimalige Sunnebluemestock

wunderbare Hibiskusstock

Am Sunntig scho blüeht

Nach Bratwurscht, Cervelat, Pouletflüggeli oder -schenkel mit feine Saläter, händ di neue Gäscht au zu Kafi und Chueche griffe.
In dä zwüschezyt händ e paar liebi Fründinne i dä Chuchi für B'schteck-Nachschub g'sorget. Danke allne vill mal.

Kafi und Chueche

S'Möpsli vo Walti und Charlotte, d'Malteserdame vo Heinz und Daniela und dä Sunshine vo Manuela und Thomas händ sich guet vertreit. Es isch gäge 17.00 zuegange. Langsam sind e paar uufbroche. Dä Heiweg isch mängisch wiit gsi. Oberwange lieht nöd grad am Weg. Das hätt e Welle uusg'löst. Vill Zyt zum ufrume hämmer nöd gha, da sind scho wieder liebi Lüt itroffe. Esthi und Ewald sind obwohl vo Interlake, doch no cho, dänn hät mir d'Theres au d'Freud g'macht. D'Christine und Bruno händ mi ufg'stellt
und dä Tisch wieder g'füllt. Bi Cervelat und feinem Wy simmer fröhlich g'si.

vo dä Therese das luschtige Rosestöckli mit Chueli

vo Thomas, Beryl und Ronja e Gerberastock. Hanni no nie gseh.

Für Fotene isches jetzt z'dunkel gsi. Doch wo dä Roland und d'Marlen itroffe sind, isches wieder heller worde. Mir
händ vill z'verzelle gha. Zurzach- und Schinznach-Itritt für eus, für d'Vögeli hätt's au es voll's Chrättli gäh.
Thomas, Beryl und Ronja händ's am halbi Nüni au no g'schafft. D'Ronja hätt vill erläbt und isch ganz uufg'stellt gsi.
Ganz kurz hätt dänn no s'Heidi inneglueget und eus zum Lache bracht. Doch müed vom Schaffe isch sie bald
wieder verschwunde. Bis zum nächschte Mal alli ihr Liebe und guet Nacht.

Ende um Mitternacht

Um Mitternacht hät dänn min Schatz s'Nötigschte innegrumet gha. Wahnsinnig, was er in letschter Zyt
und vor allem hüt g'leischtet hätt. Ganz herzliche Dank min liebe Schatz Felix.

Ganz grosse Dank au allne, wo mir es Couvert gäh händ, wo ich jetzt dä Vitrinewunsch und dä Bürostuehl b'sorge chan.
So dänki no lang a dä einmaligi, tolli Tag z'rugg. Mir hoffed, es seged alli guet Heim cho und freued eus uf es Wiederseh.

Mini Wunschkischte